كەزدەسۋگە سالالىق مينيسترلىكتەر وكىلدەرى, جوعارعى وقۋ ورىندارىنىڭ ء«تىلشى» كافەدرالارىنىڭ مەڭگەرۋشىلەرى, مەديا اسسوتسياتسيالار مەن باق وكىلدەرى قاتىستى.
كەزدەسۋ بارىسىندا مەديا-يندۋستريانىڭ وكىلدەرى ەلدەگى بۇقارالىق اقپارات قۇرالدارى نارىعىنداعى جاعداي جانە مەديا سالاسىنداعى كاسىپتىك ستاندارتتار, ء«تىلشى» ماماندىعىنداعى الەمدىك ۇردىستەردى, سونداي-اق زاماناۋي مەديا نارىعىنىڭ سۇرانىستارىنا ۋنيۆەرسيتەتتەردىڭ دايىنداعان ماماندارىنىڭ كاسىبي بىلىكتىلىگىنىڭ ساي بولۋى ماسەلەلەرى تالقىلاندى.
مينيسترلىكتىڭ تىلشىلەردىڭ بىلىكتىلىگىن ارتتىرۋ ءۇشىن تۇراقتى تۇردە ءىس-شارالار ۇيىمداستىرىپ تۇرادى. شەتەلدىك تاجىريبە الماسۋ جانە تىلشىلەردىڭ ءارتۇرلى حالىقارالىق مەديا-فورۋمدارىنا, كونفەرەنتسيالارعا قاتىسۋىن ۇيىمداستىرىلادى.
2013 جىلدان باستاپ «قازمەدياورتالى» بازاسىندا مەديا-مەكتەپ جۇمىس ىستەيدى, ونىڭ اياسىندا سەمينارلار مەن بۇقارالىق اقپارات قۇرالدارى سالاسىنداعى مامانداردىڭ قاتىسۋىمەن لەكتسيالار وتەدى. وتاندىق جۋرناليستيكا سالاسىنىڭ ماماندارىن ىنتالاندىرۋ ماقساتىندا «تۇمار» جانە «ۇركەر» جۇلدەلەرى تاعايىندالعان, «استانا مەديا اپتالىعى» مەديا اپتالىعى مەن وڭىرلىك باق فورۋمى وتكىزىلىپ تۇرادى.
مينيسترلىك تاراپىنان بۇقارالىق اقپارات قۇرالدارىنىڭ ماماندارىنا ارنالعان زاماناۋي كاسىبي ستاندارتتاردى ازىرلەۋ بويىنشا جۇمىس باستالدى. اتاپ ايتقاندا, مينيسترلىكتىڭ قۇرىلىمدىق بولىمشەلەرى مەن ۆەدومستۆولىق باعىنىستاعى ۇيىمدارىنان قاجەتتى ءبىلىم, داعدىلار مەن قۇزىرەتتەر بويىنشا ۇسىنىستار جاسالدى. بۇل جۇمىس زاڭمەن بەلگىلەنگەن تارتىپتە جالعاسادى.
كەزدەسۋ سوڭىندا قاتىسۋشىلار بىرلەسكەن ۋنيۆەرسيتەتتەر مەن بۇقارالىق اقپارات قۇرالدارىنىڭ اراسىنداعى ىنتىماقتاستىقتى نىعايتۋعا كەلىستى.
سونىمەن قاتار «100 جاڭا وقۋلىق» جوباسى اياسىندا قازاق تىلىنە اۋدارىلعان «مەديا ەتيكا» كىتابى تانىستىرىلدى.
